Plantun de Prouvènço

Pèr coumpara dos planto d'encò nostre

Hainardia cylindrica & Rhododendron ferrugineum

Hainardia cylindrica

Poaceae Graminaceae

Nom en français : Lepture cylindrique.

Descripcioun :
Lou leturo-redoun trachis dins li pelouso e li terro argielouso, de cop que i'a salado. L'espigo, de 5 à 25 cm, èi redouno en cilindre, mai o mens enarcado ; caup de 10 à 45 espigueto encastado. Apoudèn que s'atrobo uno souleto glumo (de 5 à 8,5 mm) pèr espigueto, au contro di planto dóu gènre proche Parapholis, que n'an dos. Quicha çai-souto sus la flècho de coumparesoun pèr vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Hainardia
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 25 cm
Flourido : Printèms

Sòu : Ca
Autour basso e auto : 0 à 100 m
Aparado : Noun
Mai à jun

Liò : Tepiero umido l'ivèr - Argielo
Estànci : Termoumediterran à Coulinen
Couroulougi : Eurimediterrano
Ref. sc. : Hainardia cylindrica (Willd.) Greuter, 1967 (= Lepturus cylindricus (Willd.) Trin., 1820 )

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.